兩週用後感及成果：（長氣慬入） 先講下我平時食咩，我本身都係喜歡食飽肚熱食，冇特別去睇能量/營養等等，亦都冇乜點做運動。 Before: 早餐：魚蛋燒賣，有時會食個公仔麵，奶茶咖啡 午餐：公司在偏遠地區，附近冇乜餐廳，所以通常叫Foodpanda 晚餐：多數出街食，粉麵飯類，三哥，等等 我在未開始時，在planning 上，為左唔想令自己覺得自己好慘，但又想令效果大d , 咁我決定左一日食兩餐Sharumi , 而淨低果一餐就正常食。 而食代餐亦用奶開唔用水開，其實我未試過用水開，不過心理上唔想一野去到咁盡而有阻力。 After: 早餐：sharumi + 脫脂奶 午餐：照常食外賣，唔想睇住成班同事食 晚餐：sharumi + 脫脂奶 老實說，平時食開高碳水，又粉又麵，轉飲粉+奶當然唔夠飽，只可以頂到兩個鐘左右，尢其係早餐後未食lunch 之前。但過左一星期後，我開始慢慢適應到，其實胃口係要慢慢變細…..如果我話完全頂到肚都係呃你，但堅持了，過左最辛苦果段時間就有收成。 話返兩頭，我最鍾意飲朱古力味，好飲同埋呢隻係最飽肚，不愧為王牌產品。兩款乳酪都好味，但相對就冇咁飽肚，用來做早餐會好d 個人認為，始終我係慣咗夜晚比早餐食得多…. 而另外，其實我係定左一日食兩餐sharumi , 早餐就鐵膽，午餐或晚餐就事乎會唔會約左人出街食飯定係返阿媽度食飯。世界上有一種「餓」，叫「阿媽覺得你餓」，所以返阿媽度，我點都會食，咁咪午餐食代餐吧。 Long story short , 兩週後，成果係體重跌左2.5kg ，雖然唔係好多，但最好的係本來體脂係23.x , 宜家係20.x , 明顯係可以減少到攝取高熱量而燃燒到體內脂肪，最重要既係…..我呢兩星期工作比較忙，所以我係「冇做運動的」😅所以係有成效的 少少貼士： 雖然午餐我係咩都食，但我係戒絕左唔飲甜野。我鍾意飲汽水，宜家轉左飲梳打水/ sparkling water。千祈唔好飲zero , 因為代糖會令你更嗜甜。🙈 祝自己/ 大家都減肥成功💪🏻